Estas son as actividades propostas para os grupos participantes:

1. Sesión no centro

Duración: 50’

Nelas presentarase o programa, a mascota, así como os seus obxectivos ao alumnado. En cada centro faremos 3 sesións en total. Unha con cada grupo, preferiblemente de 4º, 5º ou 6º de primaria. As actividades están deseñadas para nenos e nenas de 8 a 12 anos.

2. Unidade didáctica (3 pílulas)

Entregaremos unha unidade didáctica onde o profesorado poderá afondar nos contidos. Constará de tres pequenas propostas para achegarse de maneira lúdica aos obxectivos do Programa: coñecer a fauna mariña local, saber máis dos oficios de do patrimonio humano e todo o relacionado coa sustentabilidade ambiental. Incluiremos información significativa par os nenos e nenas, achegando un ollar apreciativo á súa contorna. Cada unha das propostas desenvolverá 2 dinámicas ou xogos para realizar nas aulas. Recomendamos facer as actividades para que o programa sexa o máis significativo posible para o alumnado.
Descargar unidade didáctica

3. Saída

Sairemos ás 9 da mañá do centro educativo e voltaremos ás 14 horas. Ao longo da mañá faremos dúas visitas a escoller polo centro:

  • Opción 1: visita á Confraría de Barallobre, onde faremos unha visita guiada para profundar nos traballos relacionados co mar + merenda en Xuvia + Museo de Historia Natural de Ferrol, onde tamén faremos unha visita guiada.

  • Opción 2: roteiro interpretado pola contorna litoral de Mugardos + merenda + sesión lúdica-educativa de limpeza de praias.

  • Opción 3: visita á Confraría de Barallobre + merenda + sesión lúdica-educativa de limpeza de praias.

*Esta saída terá lugar durante a primeira quincena de xuño. Por cada centro poderán participar un máximo de 50 alumnos e alumnas.

4. Vídeo final

Ao finalizar o programa entregaremos un vídeo-resumo do programa aos centros participantes que servirá para seguir sensibilizando cos obxectivos do mesmo, así como para divulgar o programa de cara a futuras edicións.

Para máis información e reservas:

698 15 74 14
ondasdeilusions@gmail.com
www.ondasdeilusions.es